Comunicado de avogados novos sobre a decisión da sala tercera del Tribunal Supremo

Published by Avogados_Novos on


A agrupación de Avogados Novos de Vigo quere expresar o seu malestar por todo o acontecido durante as últimas semanas no referente a actuación do Tribunal Supremo co Imposto de Actos Xurídicos Documentados.

A última resolución do Tribunal modificandoa nova xurisprudencia emanada da Sección Segunda da Sala do Contencioso-Administrativo do Tribunal produce un descrédito absoluto do noso alto Tribunal.

O cambio xurisprudencial no que se establecía que a obriga ao pago do imposto correspondía ás entidades financeiras realizouse de forma ordinaria mediante varios pronunciamentos con gran carga argumental e con vocación de futuro e por maxistrados expertos na materia tributaria.

O anuncio do presidente da Sala,o señor Díez Picazo, de convocar o pleno para resolver os seguintes recursos sobre a mesma materia, sendo un procedemento válido, ao facerse con tanta celeridade e sobre todo ante a situación de alarma producida no sector financeiro, convérteo nunha situación absolutamente anómala.

Máis aínda coa resolución acordada o día de onte mudando a nova xurisprudencia en menos dun mes, sendo un esperpento onde cambios xurisprudenciais que tardan anos en producirse, corríxense en días. Algo inaudito, que a ollos de esta agrupación non ten base xurídica e que supón un quebranto da seguridade xurídica e da tutela xudicial efectiva, piares básicos dun estado de dereito.

Sen poder ter acceso aínda ao pronunciamento, queda claro que a argumentación para a reversión desta xurisprudencia será absolutamente ineficaz para establecer xustiza, xa que o descrédito da institución, a impresión de falta de independencia xudicial ou de aliñamento do alto Tribunal cos poderosos, quedará gravado na conciencia cidadá por moito tempo. Algo intolerable.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra politica de cookies consistente en cumplir con las obligaciones previstas en el apartado segundo del artículo 22 de la Ley 34/2002, de 11 de julio, de servicios de la sociedad de la información y de comercio electrónico, tras su modificación por el Real Decreto ley 13/2012, de 30 de marzo, más información aqui ACEPTAR

Aviso de cookies
A %d blogueros les gusta esto: