II XORNADA DE DEREITO PENITENCIARIO (11/12/15)

 cartel II Penitenciario

 Dende o grupo de traballo de Dereitos Humanos, Estranxeiría e Penitenciario da nosa agrupación, tratamos de divulgar a defensa dos dereitos humanos en xeral, a través de diferentes actividades formativas e críticas para xerar debate e reflexión, traballando, cando é posible, en colaboración con outras organizacións e colectivos sociais. Amais, centrámonos na denuncia das vulneracións de dereitos humanos que podemos abranguer, tanto no ámbito local, público como privado. Entendemos que, como avogadas e avogados, somos actores privilexiados para intervir no mundo xurídico e social, contribuíndo a unha administración de xustiza e unha administración da pena respectuosas coa dignidade humana, e denunciando os casos de violación dos dereitos humanos dentro e fóra das Institucións.

   

A pena privativa de liberdade é interpretada socialmente como unha solución ante determinadas condutas censurábeis sen atención as causas que provocan tales condutas. Poren, desde calquera saber do ámbito xurídico-social, está demostrado que a pena privativa de liberdade, non só non reduce o delito, nin fai unha labor reeducadora nin de reinserción social, senón que produce consecuencias dificilmente reparábeisn a persoa que pasa por prisión. Por outro lado, non existe unha “política preventiva do delito” xa que os recursos do Estado non se centran en eliminar as desigualdades sociais, causantes do 90% das penas privativas de liberdade, senón que van destinados a unha política amplamente incriminatoria, centrándose no tratamento penitenciario e post-penitenciario das persoas que delinquen.

   Considerando esta reflexión como punto de partida, nas xornadas trataremos a problemática do traballo e a sanidade en prisión, os dereitos sociais distorsionados ou inexistentes para as persoas presas, que se suman á pena privativa de liberdade. E por suposto, entendemos que é necesario traer ao debate unha perspectiva de xénero, para comprender os mecanismos que permiten manter a primacía cultural dos valores androcéntricos tanto na sociedade como no Dereito. Desde este lugar iniciamos a reflexión sobre as penas privativas de liberdade nas mulleres, o seu acceso á saúde, a familia, as relacións sexuais ou a maternidade.

INFORMACIÓN E INSCRICIÓN

I XORNADA DEREITO PENITENCIARIO 24 E 25 DE OUTUBRO, VIGO

Avogados_Novos
13 Outubro, 2014
A vida tras o muro
A vida tras o muro

   A situación interna e a administración dos cárceres é una realidade descoñecida para gran parte da sociedade, na que tamén nós nos temos que incluír. Das nosas visitas a prisión como parte do noso traballo e tamén como Comisión de Dereitos Humanos, tomamos consciencia das dificultades que enfrontan as persoas reclusas no dia a día dentro da prisión para ter acceso a asistencia xurídica efectiva  coa que facer valer os seus dereitos, ou o acceso a medicamentos por poñer dous exemplos. Denunciar determinadas situacións que se producen tras o muro, a vez que nos dotamos de ferramentas para afrontalas xuridicamente desde a nosa profesión son as razón polas que nós desde a Comisión de Dereitos Humanos da nosa agrupación  decidimos organizar asI Xornadas de Dereito Penitenciario de Vigo, baixo o título “A vida tras os muros”.

   Agardamos que os próximos 24 e 25 de outubro convértanse en un encontro no que reflexionar e debater sobre as prácticas penais e os métodos punitivos no sistema penal español así como lograr unha formación práctica en dereito penitenciario.

   As Xornadas realízanse en dous espazos diferentes, o 24 de outubro no auditorio do colexio de avogados (rúa Lalín), dia dedicado exclusivamente a Dereito Penitenciario. E o 25 na antiga prisión da cidade, hoxe coñecida como MARCO -Museo de Arte Contemporáneo- (rúa Príncipe), onde contaremos con poñentes de diferentes áreas, letrados, académicos, organizacións sociais de diferentes lugares da xeografía estatal, e tamén con un historiador que nos falará de este simbólico edificio ao longo dos anos. Como vedes temos ata o ultimo detalle pensado.

   En organizar estas Xornadas puxemos moito tempo e esforzo desde a nosa modestia, as nosas dubidas e o convencemento de que son necesarios estes foros. Temos que dicir que contamos como co Colexio de Avogados de Vigo  como cooperador necesario, pois é quen financia as xornadas.  A cota de inscrición será de 20€

   Esperamos vervos os próximos días 24 e 25 de outubro e contar con as vosas ideas e reflexións.

   Non dubides en difundir as compañeiras e compañeiros que consideres interesadas

   Formulario de inscrición

   Tríptico das Xornadas (programa) 

Atentamente

A Comisión de Dereitos Humanos