Día da Avogacía Nova.

Published by Avogados_Novos on

Hoxe celebramos o Día da Avogacía Nova. Neste día, dende a Agrupación de Avogados Novos de Vigo, cremos firmemente que a Avogacía Nova debe reivindicar o duro traballo que día a día leva a cabo e que tantas alegrías, a par que preocupacións, nos brinda.

Celebramos a acollida e a vez incorporacións de novos compañeiros, así como membros, ós que agradecemos o seu apoio nas trincheiras da nosa profesión todos e cada un dos días.

Agradecemos poder formar parte dunha profesión vocacional, dirixida á protección máis inmediata dos dereitos da cidadanía, á que estamos encantados de axudar e apoiar, sendo plenamente conscientes das dificultades que moitas veces se encontran para facer valer os seus dereitos.

Pero, tamén queremos expor as dificultades coas que nos encontramos:

1º.- A limitación no acceso á Queda de Oficio para os recén incorporados, limitación con criterios dispares dependendo do Colexio de Avogados ó que pertenzamos. Acceso á Queda de Oficio que aportaría uns ingresos e experiencia que, sen dúbida, son clave no mantemento do noso desenvolvemento na profesión.

2º.- A falta de adaptación das cotas colexiais do Colexio de Avogados de Vigo a nosa recente incorporación, existindo criterios dispares dependendo do Colexio de Avogados no que nos colexiemos.

3º.- A precariedade laboral ante a que se atopan os que traballan por conta allea, predominando os falsos autónomos e incluso os que día a día traballan sen recibir remuneración algunha a cambio de “formación”.

4º.- A falta de medios da Administración de Xustiza.

Sen dúbida, o que sobre todo denunciamos e a falta de medios que provocan que a xustiza actual sexa lenta e, polo tanto, ineficaz. Demandamos medios non so para nos ou os nosos compañeiros xuíces e fiscais, senón para a cidadanía, porque pensamos nela agora e no futuro que a todos nos espera.

Queremos seguir nesta profesión porque ela escolleunos, pero se estamos aquí é para renovala e dignificala día a día.

Nunca cesaremos de mellorar, axudarnos, loitar polos nosos compañeiros, pola cidadanía e pola mellora da Administración de Xustiza.

Sen dúbida, XUNTOS PODEMOS CONSEGUILO! FELIZ DÍA DA AVOGACÍA NOVA!

Fdo.: Comisión de Defensa da Avogacía Nova

Avogados Novos de Vigo

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra politica de cookies consistente en cumplir con las obligaciones previstas en el apartado segundo del artículo 22 de la Ley 34/2002, de 11 de julio, de servicios de la sociedad de la información y de comercio electrónico, tras su modificación por el Real Decreto ley 13/2012, de 30 de marzo, más información aqui ACEPTAR

Aviso de cookies
A %d blogueros les gusta esto: