V XORNADA DE INFORMÁTICA XUDICIAL: A Ciberdefensa no século XXI

Avogados_Novos
14 Setembro, 2015

AVOGADOS NOVOS e o Colexio Profesional de Enxeñaría Técnica en Informática de Galicia (CPETIG), renovaron o acordo de colaboración en virtude do cal os integrantes da Agrupación de Avogados Novos de Vigo disfrutarán dun desconto na V edición da Xornada de Informática Xudicial e Delitos Informáticos que terá lugar o vindeiro 21 de outubro na cidade da cultura. 

Dende aqui, queremos animarvos a asistir a esta interesante xornada onde se nos amosaráos riscos e os beneficios do uso de internet, e como protexernos dos eventuais ataques que podamos sufrir. Para inscribiros deberedes cubrir o formulario de inscrición e poñer o código que os enviamos por mail a tódolos asociados.  Programa 

Un ano máis as xornadas de informática xudicial consolidan o seu papel de foro de debate sobre temas de actualidade para a administración de Xustiza. O obxectivo é contribuír a incrementar a efectividade e a eficiencia da administración xudicial co uso das novas ferramentas electrónicas e forenses. Por iso, o CPETIG e a Amtega traballan conxuntamente en informar e concienciar a xuíces, maxistrados, secretarios xudiciais, fiscais, avogados e xuristas en xeral, sobre os avances en materia probatoria en casos onde intervén o factor informático.

Dicir que as novas tecnoloxías invaden a nosa vida e que se fixeron tan indispensables como no seu día o foi a auga corrente, a luz ou o teléfono pode resultar case unha obviedade. A nosa sociedade moderna baséase na información e na comunicación e grazas ás novas (ou xa non tan novas) tecnoloxías ambos elementos alcanzaron o seu máximo expoñente: podemos levar información equivalente a un centenar de enciclopedias e compartila ou entrar en contacto cunha persoa que estea ao outro lado do mundo coa mesma facilidade que levamos o xornal ou falamos cos nosos compañeiros de traballo.

E non é necesario ter un ordenador para iso. Hoxe en día os nosos simples teléfonos móbiles permítennos isto e moito máis. Esta realidade ábrenos un novo mundo de oportunidades pero tamén supón un novo cúmulo de riscos que son moitas veces descoñecidos e ante os que ninguén nos advertiu ou protexeu axeitadamente.

A Lei, como elemento organizador das nosas relacións sociais, está a experimentar unha importante evolución nun heroico “tour de force” para adaptarse á nova realidade que xa supón Internet.